TEAM universitetini tashkil etish to‘g‘risida” Hukumat qarori qabul qilindi. Unga muvofiq, TEAM universiteti tashkil etildi va uning asosiy vazifalari belgilandi.
Tadbirkorlik va boshqaruv, shuningdek boshqa sohalarda yuqori malakali oliy ma’lumotli kadrlarni tayyorlash Universitetning vazifalaridan biridir.
Universitetda ta’lim jarayoni ingliz, o‘zbek va boshqa tillarda tashkil etiladi, ta’lim faoliyati 2020/2021 o‘quv yilidan boshlanadi.
Bitiruvchilarga oliy ma’lumot to‘g‘risidagi hujjat sifatida e’tirof etilgan belgilangan namunadagi diplom beriladi.
Universitetda ta’lim olish to‘lov-kontrakt asosida, shuningdek yuridik shaxslar – potensial ish beruvchilar taqdim etadigan ta’lim grantlari, homiylik xayriyalari va boshqa manbalar hisobiga amalga oshiriladi.