Oliy va o‘rta maxsus ta’lim vaziri Inomjon Madjidov Parijdagi Xalqaro modalar akademiyasi Prezidenti Jan-Fillip Vaklyuer rahbarligidagi delegatsiyani qabul qildi. Bu haqida O‘zbekiston Oliy va o‘rta maxsus ta’lim vazirligi matbuot xizmati Telegram-kanalida xabar bermoqda.
Unda Toshkent to‘qimachilik va yengil sanoat instituti bilan hamkorlikda fakultet ochish hamda 2019-2020 o‘quv yilidan qabulni amalga oshirishga kelishib olindi.
Shuningdek, uchrashuvda oliy ta’lim sohasidagi hamkorlik aloqalarini mustahkamlash, yuqori malakali kadrlar tayyorlash bo‘yicha qo‘shma dasturlarni amalga oshirish masalasi ham muhokama qilindi.