Xorijiy tillarni bilish darajasini baholovchi xalqaro tan olingan sertifikatlar ro‘yxati tasdiqlandi

Xorijiy tillarni bilish darajasini baholovchi xalqaro tan olingan sertifikatlar ro‘yxati tasdiqlandi

Xorijiy tillarni o‘rganishni ommalashtirish bo‘yicha qaror Adliya vazirligi tomonidan davlat ro‘yxatidan o‘tkazildi (ro‘yxat raqami: 3318, 07.09.2021 y).

Ro‘yxatda 11 ta tilni bilishni tasdiqlovchi 30 ta eng mashhur testlar keltirilgan. TOEFL, IELTS, (TOPIK I), TORFL, TRKI shular jumlasidan.

Ro‘yxatda 11 ta tilni bilishni tasdiqlovchi dunyodagi 30 ta eng mashhur testlar keltirilgan. Ular orasida ingliz tili bo‘yicha TOEFL, IELTS, TESOL, CELTA, fransuz tili bo‘yicha DELF, DALF, TCF, nemis tili bo‘yicha Goethe-Zertifikat, DSD, DAF, rus tili bo‘yicha TORFL, TRKI, koreys tili bo‘yicha (TOPIK I), (TOPIK II) testlari bor.

Qaror bilan quyidagilar tasdiqlandi:

- Xorijiy tillarni bilish darajasini baholovchi xalqaro tan olingan sertifikatlarning ro‘yxati;
- Xorijiy tillarni bilish darajasini belgilovchi milliy va xalqaro tan olingan sertifikatlar o‘rtasidagi muvofiqlik darajasi.

Eslatib o‘tamiz, davlat ta’lim muassasalari xorijiy tillar o‘qituvchilari uchun xorijiy tillarni o‘zlashtirish darajasi bo‘yicha talablar belgilangan.

Unga ko‘ra, 2022/2023 o‘quv yilidan davlat ta’lim muassasalarining xorijiy tillar o‘qituvchilari lavozimlariga ishga yangi qabul qilinayotgan talabgor kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozim.

Manba