O’zbekiston viloyatlarida zamonaviy «Amerikaga Darcha»lari ochiladi

O’zbekiston viloyatlarida zamonaviy «Amerikaga Darcha»lari ochiladi

2021-yil boshida AQShning O’zbekistondagi Elchixonasi Xalqaro Ta’lim bo’yicha Amerika Kengashlari (American Councils) bilan hamkorlikda O’zbekiston Respublikasining butun hududini qamrab oladigan “Amerikaga Darcha” tashabbusiga start beradi. Ushbu tashabbus Darchalar joylashgan jamoalarga zamonaviy resurslar kutubxonalarini va dinamik konferens-zallarni, shuningdek, elektron va qog’ozli kitoblarni, ingliz tilidagi turli xil ta’lim va madaniy manbalarni, Internetga ulangan kompyuter laboratoriyalarni, amerikalik mutaxassislar ishtirokidagi bir qator mehmon ma’ruzachilari dasturlarini va qo’shimcha qiziqish asosidagi  faoliyat turlarini, masalan, ingliz tilida filmlar namoyishi va suhbat klublar faoliyatini taqdim etadi. Bundan tashqari, har bir “Amerikaga Darcha” AQShda bakalavriat va magistratura dasturlarida o’qishni istaganlarga maslahat xizmatlarini ko’rsatadigan Education USA bepul maslahat markazi sifatida xizmat qiladi.

Birinchi “Amerikaga Darcha” qurilishi Qashqadaryoning Qarshi shahridagi “Barkamol Avlod” markazida 2020-yil 30-sentyabrda boshlangan. “Barkamol Avlod” markazlari – bu O’zbekistonning barcha 13 viloyatida joylashgan va Xalq ta’limi vazirligi tasarrufidagi yoshlarning darsdan tashqari faoliyatliri uchun mo’jallangan markazlardir.

Qarshidagi American Councils tomonidan boshqariladigan 230 kvadrat metr maydonda joylashadigan “Amerikaga Darcha” markazi Markaziy Osiyoda eng kattasi bo’ladi. Markaz tarkibiga kompyuter laboratoriyasi, kutubxona, konferentsiya zali va “EducationUSA” sinflari kiradi. Markazning butun maydoni zamonaviy shisha devorlarga va Amerika uslubidagi dizaynga ega bo’ladi. Qarshidagi “Amerikaga Darcha”ning  ochilishi 2021-yil boshiga rejalashtirilgan.

Manba