Bosh vazir o‘rinbosari Aziz Abduxakimov Feysbuk orqali DTM ruxsatnomasini olish tartibi haqida ma’lumot berdi. Ushbu foydali ma’lumotni sizlar uchun keltirib o‘tamiz!
2019/2020 o‘quv yili test sinovlarida ishtirok etish uchun “Abituriyent ruxsatmasi”ni tarqatish 2019 yil 20 iyuldan boshlanadi.
“Abituriyent ruxsatmasi”ni tarqatish quyidagicha amalga oshiriladi:
1. Abituriyentlar 20-29 iyul kunlari Internet orqali Davlat test markazi www.dtm.uz rasmiy veb-saytining “Ruxsatnomani chop etish” bo‘limidagi maxsus oynaga pasport (yoki tug‘ilganlik guvohnomasi) seriyasi va raqamini kiritadi.
Ekranda paydo bo‘lgan “ABITURIYeNT RUXSATNOMASI” va “ABITURIYeNTGA ESLATMA”ni chop etib oladi.
Bularni internet tarmog‘iga ulangan kompyuter bo‘lgan hamma joylarda amalga oshirish mumkin.
2. DTMning www.dtm.uz rasmiy veb-saytidan ruxsatnomasini 22 iyulgacha olmagan kunduzgi ta’lim shakli bo‘yicha ro‘yxatdan o‘tgan abituriyentlar 23-26 iyul kunlari quyidagi muassasalarga murojaat etishi va ruxsatnomalarini olishlari mumkin:
✓ Yashash joyidan qat’i nazar, ixtiyoriy tuman (shahar)dagi Davlat xizmatlari markazlari;
✓ Yashash joyidan qat’i nazar, ixtiyoriy Oliy ta’lim muassasalari qabul komissiyalari;
✓ Yashash joyidan qat’i nazar, ixtiyoriy Bandlik va mehnat munosabatlari vazirligining tuman (shahar) bo‘limlari.
Ushbu tashkilot xodimlari DTMning www.dtm.uz rasmiy veb-saytidan yuqorida qayd etilgan tartib bo‘yicha “Abituriyent ruxsatnomasi”ni abituriyentga chop etib beradi.
3. DTMning www.dtm.uz rasmiy veb-saytidan ruxsatnomasini 25 iyulgacha olmagan sirtqi va kechki ta’lim shakllari bo‘yicha ro‘yxatdan o‘tgan abituriyentlar 26-29 iyul kunlari quyidagi muassasalarga murojaat etishi va ruxsatnomalarini olishlari mumkin:
✓ Yashash joyidan qat’iy nazar ixtiyoriy tuman (shahar)dagi Davlat xizmatlari markazlari;
✓ Yashash joyidan qat’iy nazar ixtiyoriy Oliy ta’lim muassasalari qabul komissiyalari;
✓ Yashash joyidan qat’iy nazar ixtiyoriy Bandlik va mehnat munosabatlari vazirligining tuman (shahar) bo‘limlari.
Ushbu tashkilot xodimlari DTMning www.dtm.uz rasmiy veb-saytidan yuqorida qayd etilgan tartib bo‘yicha “Abituriyent ruxsatnomasi”ni abituriyentga chop etib beradi.
Ruxsatnomalar barcha tashkilotlar tomonidan bepul chop etilib, tarqatiladi.
ESLATMA:
“ABITURIYeNT RUXSATNOMASI”NI ChOP ETISh TARTIBI
1-bosqich. Davlat test markazining www.dtm.uz rasmiy veb-saytiga kiriladi.
2-bosqich. Saytning “Ruxsatnomani chop etish” bo‘limiga kiriladi.
3-bosqich. Abituriyentning pasport (yoki tug‘ilganlik guvohnomasi) seriyasi va raqami kiritiladi.
4-bosqich. Ekranda paydo bo‘lgan “ABITURIYeNT RUXSATNOMASI” va “ABITURIYeNTGA ESLATMA” chop etiladi.