Oliy taʼlim muassasalarida qishloq xoʻjaligi sohasi boʻyicha qabul kvotalari ikki barobar oshiriladi

2018 yil 20 noyabrda Oʻzbekiston Respublikasi Prezidentining “Issiqxona komplekslarini rivojlantirish uchun qoʻshimcha shart-sharoitlar yaratish chora-tadbirlari toʻgʻrisida”gi qarori qabul qilindi.

Mazkur qarorda 2019/2020 oʻquv yilidan boshlab quyidagi ixtisoclik yoʻnalishlarida oliy taʼlim muassasalariga bakalavrlar tayyorlash yuzasidan qabul kvotalarini kamida ikki barobar oshirish koʻzda tutilgan:

- “Issiqxona xoʻjaliklarini tashkil etish va yuritish”;

- “Agrokimyo va agrotuproqshunoslik”;

- “Oʻsimliklarni himoya qilish”.

Shuningdek, mazkur Qarorda Oʻzbekiston Respublikasi Vazirlar Mahkamasi Iqtisodiyot vazirligi, Oliy va oʻrta-maxsus taʼlim vazirligi hamda Qishloq xoʻjaligi vazirligi bilan birgalikda bu borada tegishli takliflarni kiritishi belgilangan.